غباء مستفحل

بصراحة قرفت غباء الناس و خاصة العرب، لما شخصية مشهورة بتكون طول حياتها ستريت، وطول حياتها من شب لشب فجأة بيلاقوها مع بنت. بيقولوا ” طلعت ليزبيان!”  ” يعني صارت ليزبيان” !! يعني ارحمونا انتوا و غبائكم

لا صارت ليزبيان و لا هي ليزبيان ، ماحدا ” بيصير ليزبيان” ما حدا بيقلب بين ليلة و ضحاها، فيه شي بالحياة اسمه “بايسيكشوال” او ‘ مزدوج الميول’ و هو هيك بالأصل. بس لانه هي او هو لفترة كان مع بنات او شباب مو معناها انه هو دائماً رح يكون مع البنات او الشباب. خلّصونا بئا الحياة مو ابيض و اسود 

فيه بين الستريت و الغاي الخالص مسافة طويلة بتحوي آلاف الاشخاص و النماذج من الهويات الجنسية المختلفة المنطقة الرمادية هي اكبر منطقة بين المتطرفين 

و يلي سمعان بحياته المعفنة بشي اسمي مقياس كينسي للتوجهات الجنسية بيعرف تماماً عن شو عم احكي 

كينسي بيقول. مافيه حدا ١٠٠ غاي و لا ١٠٠ ستريت. على الرغم من انه نسبة لا بأس بها ممكن يعتبروا حالهم هيك و انه الناس معظمهم بيقعوا بالمنطقة يلي بتفصل بين اقصى الاستقامة و أقصى المثلية و حسب فرويد فإن البشر يولدون مع ميول مزدوجة 

فلا كتير تندهشوا و تقرفوا و يجيكم فالج نصفي لما تشوفوا ممثل او ممثلة او اي شخصية مشهورة قلبت بحياتها العاطفية. معليش تثقفوا ، شوي و تعبوا مخكم و فكروا قبل ما تمسكوا الموبايل و تكتبوا تعليقات اقل ما يقال عنها انها طالعة من حدا مختل عقليا

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s